سورس: PxHere
بیجنگ (ڈیلی پاکستان آن لائن) چین میں ایک طالب علم نے اپنی "انفلیٹیبل گرل فرینڈ" کو چھپانے کے لیے اسے جلا دیا جس کے نتیجے میں یونیورسٹی کیمپس میں آگ بھڑک اٹھی۔ یہ واقعہ 10 فروری کو صوبہ انہوئی کی حفی یونیورسٹی آف ٹیکنالوجی کے شنکسی سٹوڈنٹ ہاسٹل میں پیش آیا۔
ساؤتھ چائنا مارننگ پوسٹ کے مطابق نامعلوم طالب علم اپنے ہاسٹل کے کمرے میں ایک انفلیٹیبل ڈول کے ساتھ موجود تھا کہ اچانک اس کا روم میٹ وقت سے پہلے واپس آ گیا۔ گھبراہٹ میں اس نے گڑیا کو جلانے کی کوشش کی لیکن آگ تیزی سے پھیل گئی اور ہاسٹل میں فائر الارم بج گیا۔ یونیورسٹی انتظامیہ نے فوری کارروائی کی اور آگ پر قابو پا لیا۔
یونیورسٹی کے ایک اہلکار نے بتایا کہ انفلیٹیبل گڑیا کو ہاسٹل کے ہال وے میں جلایا گیا تھا، جس کے بعد سیکیورٹی گارڈ نے فوراً فائر ڈیپارٹمنٹ سے رابطہ کیا اور صورتحال کو قابو میں کر لیا گیا۔ اہلکار کے مطابق اس واقعے میں کوئی جانی نقصان یا مالی نقصان نہیں ہوا اور یونیورسٹی نے متعلقہ طالب علم سے رابطہ کر لیا ہے۔
واقعے کے بعد ہاسٹل انتظامیہ نے طلبہ کے لیے ایک سخت ہدایت جاری کی ہے کہ کسی بھی سلیکون یا آتش گیر مواد کو جلانے کے بجائے کوڑے دان میں ضائع کیا جائے۔