سورس: Representational Image
لاہور(آئی این پی)لاہور کے نجی ہسپتال کی لیڈی ڈاکٹر نے مبینہ طور پر خودکشی کرلی، گائناکولوجسٹ ثنا ء کی لاش داتا دربار کے قریب نجی ہسپتال سے ملی، پولیس نے لاش کو پوسٹمارٹم کے لیے مردہ خانے منتقل کردیا۔
بتایا گیا ہے کہ میاں چنوں کی رہائشی 37سالہ لیڈی ڈاکٹرثنا ء نے 6 ماہ قبل برطانیہ میں مقیم احمد نامی شخص سے شادی کی تھی تاہم اس کی شوہر سے علیحدگی ہوگئی تھی۔پولیس کے مطابق ڈاکٹرثناء گائناکالوجسٹ تھی اوراس نے ایم آر سی ڈی جی کا امتحان دیا جس میں وہ فیل ہوگئی تھی۔
گزشتہ رات داتا دربار کے علاقے میں ایک نجی ہسپتال سے اس کی لاش ملی۔پولیس کا کہنا ہے کہ ابتدائی تحقیقات کے مطابق لیڈی ڈاکٹرثنا ء خود کشی کی ہے، لاش کو پوسٹمارٹم کے لیے مردہ خانے منتقل کردیا گیا ۔